Kahirä häm Boxara - 2020nçe yılnıñ İslam dön’yası mädäniyät başqalaları

Misır başqalası Kahirä belän Üzbäkstannıñ Boxara qalası 2020nçe yılnıñ İslam dön’yası mädäniyät başqalası bularaq iğ’lan itelde.

Bu xaqta Tunista 2019nçı yıl İslam dön’yası mädäniyät başqalası yabılu programmasında belderdelär. Anda islam mäğarife, fäne häm mädäniyäte oyışması ğomum mödire Sälim bin Möxämmät äl-Malik çığış yasap, älege programma belän islam däwlätläre arasında mädäni üseşkä yärdäm itärgä teläwlären äytte. Ul Tunisnıñ tirän islam tarixı häm mädäni mirası säbäple 2019nçı yılğı mädäni başqala bularaq saylanuın xäterlätte. Bu nisbättän oyışma islam fännäre häm mädäniyäteneñ yaqlanuı öçen küp êşlägän İbn-i Xaldunnıñ Tunistağı öyen restavraśiyäläyäçäk.