Göbäklitäpä Rimda tanıtıldı

12 meñ yıllıq ütkäne belän dön’yadağı iñ borınğı tabınu urını bularaq qabul itelüçe Göbäklitäpä xäräbäläre İtaliyä başqalası Rimda tanıtıldı. Kiñ külämle çarağa utırışlar häm fotoräsemnär kürgäzmäse kerä.  

YuNESKOnıñ bötendön’ya mirasları isemlegendä urın aluçı Göbäklitäpäne tanıtu Yıldız sarayı waqıfı, Yunus Ämrä institutı citäkçelegendä alıp barıla.

Utırışlarda törek belgeçläre dä, ital’yannar da çığış yasadı. Arxeologiyä häm astronomiyä fännäre arasındağı bäyläneşne tikşerüçe Milan politexnika universitetınnan professor Djulio Magli Göbäklitäpädä alarnıñ êzläre xaqında söyläde. Törkiyäneñ Iğdır universitetınnan arxeolog Baxattin Çälik älege tabınu urını tiräsendäge neolitik üzäklär xaqında mäğ’lümat birde.

Çığışlardan soñ tanılğan gitaraçı Äxmät Kanneci törek häm ital’yan xalıq cırlarınnan toruçı repertuarınnan konśert täq’dim itte. Fotoräsem kürgäzmäse isä İzzät Keribar häm Françesko Śikkoninıñ äsärlärennän tora.