Yaña Zelandiyädä keşe zurlığında pingvin fosile

Yaña Zelandiyä ğalimnäre yaqınça 60 million yıl êlek yäşägän gigant pingvinnıñ taşqa äwerelgän qaldıqların taptı. Anıñ buyı keşe biyeklegendä.

Söyäk qaldıqları yaqınça 18 ay êlek Kraystçerç şähärendäge Vaipara yılğasında tabılğan. Ğalimnär buyı yaqınça 160 santimetr, awırlıqları 80 kiloğa yaqın pingvinnarnıñ qayçandır okeanda yözüen farazlıy. Alarnıñ dinozavrlar yuqqa çıqqannan soñ üseşkä ireşkän törlärdän berse buluı uylanıla.  

Tikşerenü törkemendäge Pol Skofild zur pingvinnıñ 2000nçe yılda Antarktikada tabılğan başqa pingvin törenä oxşawın assızıqlıy. Bu isä 65 million yıl êlek başlanıp 23 million yıl êlek tögällängän Paleośen däwerendä ike qıytğa arasındağı bäyläneşne anlawğa yärdäm itäçäk ähämiyätle açış.  

Dinozavrlar diñgez söyräleçüläre häm gigant balıqlarnı aşap betergännän soñ pingvinnarğa üseş çorına kerep zurayu forsatı çıqqan. Ämma şunnan sonğı 30 million yıl êçendä älege törneñ näsele yuq bulğan.   

Gigant pingvinnar bügen yäşäwçe imperator pingvinnarınnan yaqınça 2 tapqır awır häm 30 santimetrğa ozın bulğan.