Cirgä yaqın tağın ber planeta tabıldı

Ğalimnär Cirgä iñ yaqın Qoyaş sisteması tışındağı planeta “Proksima b”nıñ kürşesendä tağın ber planetanıñ barlığına dälillär taptı.

İtaliyäneñ Torino universitetınnan astronom Mario Damasso belän Greśiyä Girit universitetınnan Fabio Del Sordo bu turıdağı mäğ’lümat belän fänni konferenśiyädä urtaqlaştı. Alar äytüençä, “Proksima b”nıñ tirälegendä äylänüçe qızıl kärlä yoldız “Proksima Śentavra”nıñ orbitasında başqa planetanıñ barlığına işarät itüçe gravitaśiyä xäräkätläre terkälgän.  

Cirgä 4,24 yaqtılıq yılı yıraqlığındağı Śentavrnıñ yoldızlığında urın aluçı Proksima Śentavra yoldızı 1915nçe yılda Şotlandiyä astronomı Robert İnnes tarafınnan açıldı. 2016nçı yılda ğalimnär anı spektometr teleskopları belän tikşerde häm cisemneñ orbitasında planeta barlığın kürde. Bu xäzergä qadär tabılğan Cirgä iñ yaqın başqa sistema planetası ide. Aña “Proksima b” iseme birelde.