Tarixqa şahit bulğan kitapxanä

Ğosmanlı däwläteneñ soñğı xälifäse Abdülmäcid Äfände kollekśiyäse dä kergän kitapxanä uqırğa häm tarixta qazınırğa yaratuçılarnı kötä. 14 meñnän artıq äsärne tuplağan “Xälifä Abdülmäcid Äfände kitapxanäse” tarixi binada - İstanbul Dolmabaxçä Sarayında urnaşa. Anda törekçä, franśuzça, ğaräpçä häm farsıça basmalar bar.

Kitapxanädä Abdülmäcid Äfändeneñ şäxsi äyberlären dä kürergä mömkin. Alar arasında anıñ bank kenägäse häm çek däftäre ayırım urın alıp tora.

 Abdülmäcid Äfände rässam da bulğan. Kürgäzmädäge avtoportretnı ul üze yasağan. Şunda uq ulınıñ da portretı bar. Anısınıñ da avtorı xalifä.  

Ğosmanlınıñ soñğı xälifäse Abdülmäcid Äfändeneñ kollekśiyäse urın alğan kitapxanädä kitap, jurnal, gazet, ênśiklopediyä, süzlek, yıl’yazma, karta, al’bom, fotografiyä, otkrıtka häm dokument şikelle küptörle yazma, basma häm kürsätmä material urın ala.

Kitapxanä, düşämbedän tış, här kön açıq.