Mäsuttan Keniya balalarına büläk

Mäsut Özil futbol qırındağı uñışları belän genä tügel, anıñ tışındağı ğamälläre belän dä alqışlarğa layıq. Arsenalda uynawçı törek millätennän bulğan Germaniyä sportçısı Keniya balaların söyenderde. Ul sośial’ mediada alarnıñ üzeneñ formasın kiyep töşkän fotoräsemen kürä häm bik täêsirlänä.  Özil Nayrobi şähärendäge näni fanatlarına forma, ayaq kiyeme häm futbol tubı cibärä. “Üzläre yasağan formanı kigän keniyalı balalarnıñ fotosı küñelemne neçkärtte. Xäzer alarnı bolay kürü söyenderä,”-dip yazdı ul häm yaña forma kigän balalarnıñ fotoları belän urtaqlaştı.