Ätäçne - Ginnesnıñ rekordlar kitabına

Törkiyäneñ Dänizli cirlegendä tematik şähär urmanı êçendäge 27 metr biyeklektäge ätäç häykälen Ginnesnıñ rekordlar kitabına kertergä telilär. Anı sınçı Osman Atmaca 6 ay êlek yasıy başlağan. Häykälneñ ped’yestalı öçen 26 tonna timer qullanılğan. Ätäçne şähärneñ här noqtasınnan kürep bulacağın belderälär.

Dänizlidä älege häykälne dä üz êçenä aluçı Millät baqçası küzätü qalqulığınıñ täwge êtabın açtılar. Anda yasalma şarlawıqlar urınaşa. Açılış tantanasında AK partiyä wäkile Cahit Özkan çığış yasap, Pamukkalä töbägeneñ dön’yağa tanılğan turizm simvolı ikänen häm parknıñ şähärgä kilüçelär öçen yaña gizü urını bulacağın söyläde.  Ul tabiğat’ alanınıñ ähämiyätenä iğ’tibarnı cälep itep: “Bu urın ilebezneñ häm dön’yanıñ här yağınnan Dänizlineñ maturlığın küregä kilüçe cirle häm çit il turistlarınıñ säyäxät marşrutına, hiçşiksez, keräçäk,”-dide.

Ginnes rekordlar kitabına kandidat häykäl isä proyektnıñ Ätäç awılı êtabında urın ala.