Germaniyä xökümätennän Mäsüt Özilgä cawap

Futbolçı Mäsüt Özilneñ Germaniya cıyılma komandasınnan kitüenä ilneñ ministrlar kabinetı bitaraf qalmadı. Xökümät süzçese Steffen Seybert sportçınıñ qararın ixtiram itülären belderde. “Kanśler Merkel Özilneñ qıymmäten belä. Ul böyek futbolçı. Germaniya cıyılma komandası öçen zur êşlär başqardı,”-dide süzçe.  

Törek millätennän bulğan Germaniya fıtbolçıları Mäsüt Özil häm İlkay Gündoğan, monnan tış, Angliya prem’yer-ligasında uynağan Cänk Tosun may ayında ilbaşı Räcäp Tayyip Ärdoğan belän Londonda oçraşıp fotoğa töşte häm formaların büläk itte. Şunnan soñ Germaniyadä Mäsüt Özil häm İlkay Gündoğannı cäzalaw kampaniyäse başlandı: rasaçıl höcümnär häm tänqıyt’ yawdı.

Mäsüt Özil sośial’ xisabınnan Germaniya cıyılma komandasındağı kar’yerasına noqta quyuın belderde.