Qıtay yaña iyärçen oçırttı

Qıtay yuğarı çişeleşle räsemnär töşerü texnologiyäse bulğan Gaofin – 5 iyärçenen orbitağa oçırdı. Bu xaqta Şinxua agentlığı xäbärendä äytelä. İyärçen yıraq arağa oçuçı 4C raketası belän ğalämgä cibärelde. Ul hawanıñ pıçranu däräcäse häm parnik ğazı çığarunı küzätüdän tış, atmosfera häm cir orbitasında külämle tikşerülär yasarğa sälätle itep cihazlandırılğan.      

Qıtay äylänä-tirä möxit häm êkologiya ministrlığınnan belderülärençä, iyärçen cir astındağı sularnı häm yatmalarnı da kürä ala. Näticädä, ilneñ küzätü, geografik açışlar häm tabiğıy qazalarnı kisätü êşçänlege yünäleşendä ışanışlı mäğ’lümat belän täêmin itäçäk.   

Gaofin iyärçene proyıktı 2010nçı yılda başlandı. Ul Qıtaynıñ iyärçen mäs’äläsendä çit illärgä bäylelegen kimetergä tiyeş. Kiläse yılğa Gaofin – 6 iyärçenen oçırırğa planlaştıralar.