Änkarada Ğabdräşit İbrahim simpoziumı

7nçe mart sişämbe könne Änkara universitetında Tokio mäçete häm qolliyäseneñ 80 yıllığı mönäsäbäte belän ütkäreläçäk 4nçe Xalıqara Ğabdräşit İbrahim simpoziumın Törkiyä diyanät waqıfı yärdäme belän Änkara universitetı qarşındağı Aziya-Tın okeanı êşçänlege ğamäli häm tikşerenü üzäge häm Törek-yapon êşmäkärläre cämğiyäte oyıştıra.

Törkiyä, Tatarstan häm Yaponiyadan ğalimnär qatnaşaçaq xalıqara fänni cıyınnıñ Änkara universitetı rektorı professor doktor Ärkan İbiş, Diyanät êşläre başlığı professor doktor Mäxmät Görmäz, Yaponiyanıñ Törkiyädäge tulı wäqalätle ilçese Hiroşi Oka, Törkiyä Prem'yer-ministr urınbasarı professor doktor Numan Kurtulmuşnıñ çığışları belän açılaçağı kötelä.

Professor, doktor Märtxan Dündarnıñ açılış konferenśiyasınnan soñ törek, yapon häm tatar ğalimnäre Ğabdräşit İbrahimneñ êşçänlege häm xezmätläre turında kiñ qırlı mäğlümat biräçäk.

Tatarstannı Tatar ênsiklopediyası institutı mödire professor doktor İskändär Ğiläcev, Märcäni isemendäge tarix institutınnan professor doktor İldus Zahidullin häm fännär kandidatı Rafilä Ğimazova wäkillek itäçäk simpoziumda fänni êşçänlegen Törkiyädä alıp baruçı tatar ğalime İlyas Qamalov belän Tatarstanda da bik yaxşı tanış bulğan törek ğalimnäre İsmäğil Türkoğlu häm İbrahim Maraş ta çığış yasayaçaq.