Klod Monenıñ räseme satılğan
Tanılğan rässamnıñ äsäre 81,4 million dollarğa satılğan
Franśuz impressionist rässam Klod Monenıñ 25 äsärdän toruçı “Greinstek” seriyaseneñ ber öleşe bularaq 1891nçe yılda tämamlağan “Aşlıq öyeme” isemle räseme N’yu Yorkta oyıştırılğan aukśionda 81,4 million dollarğa satılğan.
Räsem franśuz sänğatçeneñ xäzergä qadär iñ yuğarı bäyägä satılğan äsäre bulğan.
Monenıñ “Le Bassin auks Nympheas” isemle räseme 2008däge aukśionda 80,4 million dollarğa satılğan ide.
Kristis auksion yortı oyıştırğan “İmpressionist häm zamança sänğat” isemle aukśionda rus rässamı Vasiliy Kandinskiynıñ 1934nçe yılğı “Qatı häm käkre” isemle räseme 23,3 million dollarğa kiçäneñ iñ qıybatqa satılğan ikençe äsäre bulğan.
Yaqınça 50 yıl buyı sänğat bazarında urın almağan räsem Kandinskiynıñ xäzergä qadär iñ qıybat satılğan äsäre bulğan.
Kandinskiynıñ başqa räseme 2012dä 23 million dollarğa satılğan ide.
