Törkiyä 2 ayda 29 ilgä bal sattı
Çitkä satudan 5 million 179 meñ 996 dollar tabış alındı
Törkiyä bıyılnıñ 2 ayında 29 ilgä bal sattı.
Könçığış Qara diñgez êksportçılar assośiyaśiyäseneñ idarä şurası başlığı Saffät Kalyoncu Törkiyäneñ ağımdağı yılnıñ ğıynwar – fevral’ aylarında çit illärgä 1 meñ 256 tonna bal cibärüen häm annan 5 million 179 meñ 996 dollar tabış aluın belderde.
Kalyoncu bilgeläp uzğança, Amerika Quşma Ştatları, Germaiya häm Böyekbritaniya iñ küp bal satıp alğan illär buldı.
Bu çorda AQŞqa 1 million 944 meñ 149 dollar, Germaniyägä 1 million 73 meñ 904 dollar, Böyekbritaniyägä 265 meñ 531 dollar külämendä bal cibärelde.
Bıyılnıñ ğıynwar - fevral’ aylarında, uzğan yılnıñ şul uq çorınnan ayırmalı bularaq, Azärbaycan, Kanada, Oman, Malayziya, Tön’yaq Makedoniya, Franśiya, Venesuêla, Şveyśariya häm Livanğa da bal êksportlanğan.