Törkiyä global’ êksportta rekordın yañarttı
Säwdä ministrı Ömär Bolat ağımdağı yılnıñ 9 aylıq çorında Törkiyäneñ yıllıq tovar êksportınıñ 253 milliard 300 million dollarğa citüen belderep: "Törkiyä global’ êksporttan 1,06% öleşen aldı, bu räweşle rekordın yañarttı”, - dip äytte
2082257
Bolat sośial’ media akkauntınnan Bötendönya säwdä oyışmasınıñ êksportqa qağılışlı soñğı kürsätkeçlären bäyäläde.
Törkiyäneñ alğan öleşeneñ artuına iğ’tibarnı yünältüçe Bolat:
"Bötendönya säwdä oyışması tarafınnan açıqlanğan soñğı statistikağa kürä, 2023nçe yılnıñ ğıynwar-sentyabr çorı axırında yıllıq tovar êksportıbız 253 milliard 300 millionğa kütärelde. Törkiyä global’ êksporttan 1,06% pay aldı, bu räweşle rekordın yañarttı. 2022nçe yıl axırında ilebez êksportınıñ global’ êksporttağı öleşe 1,02% ide. İnşallah, bu matur xäbärlär däwam itär”, - dide.
