4 törek şirkäte - isemlektä
Dön'yadağı berençe 100 saqlanu sänäğate şirkäte isemlegenä törek firmaları da kerde
Stokgol’m xalıqara solıx tikşerenüläre institutınıñ berençe 100 saqlanu sänäğate şirkäte isemlegenä 4 Törkiyä firması kerde. Anda 2022nçe yılda iñ küp qoral häm xärbi xezmät satuçılar urın ala.
2018nçe yıldan birle isemlekneñ başındağı 5 şirkätneñ barısınıñ da Amerika Quşma Ştatlarınıqı buluı iğ’tibarnı cälep itä. Anda törek firmalarınnan “ASELSAN” -60, “Baykar”-76, Törek aviaśiya ğaläm sänäğate - 82 häm “Roketsan” 100nçe urında. Törek şirkätläreneñ tulayım keremnäre uzğan yıl, 2021nçe yılğa qarağanda, 22%qa artıp 5,5 milliard dollarğa citte.
Xisapta keşesez hawa apparatları citeşterü belän tanılğan “Baykar”ğa iğ’tibar cälep itelä. Törek şirkäteneñ keremen 94%qa arttırıp isemlektä 76nçı urınnı aluı assızıqlana.
Bäyläneşle xäbärlär
Yulçı xäräkätendä rekord
Aprel’ ayında Törkiyädäge aêroportlar 18 millionğa yaqın yulçığa xezmät kürsätte