Türkiyäneñ Farsı qultığı illärenä êksportı artqan

Türkiyä êksportçılar assośiaśiyäse mäğ’lümatlarına qarağanda, Türkiyäneñ may ayındağı êksportı uzğan yılnıñ şul uq ayı belän çağıştırğanda 14,4%qa artıp 21 milliard 700 million dollarğa citte.

Ağımdağı yılnıñ mayında Türkiyä Farsı qultığı illärenä 1 milliard 691 million dollar külämendä êksport başqardı.

Bu isä 2022 nçe yılnıñ may belän çağıştırğanda 29%qa kübräk.

Uzğan ayda Ğıyraqqa 817 million 900 meñ dollar, Berläşkän Ğaräp Ämirleklärenä 360 million dollar, Soğud Ğaräbstanına 166 million 500 meñ dollar, İranğa 206 million 900 meñ dollar, Katarğa 55 million 300 meñ dollar, Kuveytqa 46 million dollar, Omanğa 24 million 600 meñ dollar, Baxreynğa 13 million 600 meñ dollar êksport yasaldı.

Soğud Ğaräbstanı proporśional’ bularaq êksportın iñ küp arttırğan il buldı.