Sänäğättä 7 tarmaqta êksport rekordı

Türkiyä êksportçılar assambleyası citkergän mäğ’lümatlärgä kürä, Türkiyäneñ sänäğät êksportı ğıynwar-aprel’ çorında 7,4% azayu belän 58 milliard 196 million dollarğa töşte. Global’ häm milli däräcädäge täräqqıyätlärneñ êksportqa tiskäre yoğıntısına qaramastan sänäğättäge êksport, rekord quyıp, alğı planğa çıqtı.

Kün häm kün êşlänmäläre 716 million 608 meñ dollar, avtomobil’ industriyası 11 milliard 310 million dollar, êlektr häm êlektronika 5 milliard 220 million dollar, texnika häm detal’läre 3 milliard 637 million dollar, asıltaşlar tarmağı 2 milliard 157 million dollar, saqlanu häm aviaśiya sänäğäte 1 milliard 507 million dollar, kondiśioner sänäğäte 2 milliard 317 million dollar belän waqıtnıñ iñ yuğarı 4 aylıq êksportın başqardı.

Bıyılğı 4 ayda kün häm kün êşlänmäläreneñ 4,1%, avtomobil’ industriyasınıñ 11%, êlektr häm êlektronikanıñ 6,2%, texnika häm detal’läreneñ 8,9%, asıltaşlar sektorınıñ 19%, saqlanu häm aviaśiya sänäğäteneñ 12,7%, kondiśioner sänäğäteneñ 3,2% êksport artuı buldı.

İllärgä kürä yılnıñ 4 ayında Rusiyä Federaśiyäsına kün häm kün êşlänmäläre 90 million 183 meñ dollar, texnika häm detal’läre 446 million 91 meñ dollarlıq êksport yasaldı.

Germaniyağa avtomobil’ industriyasınıñ 1 milliard 623 million dollar, kondiśioner sänäğäteneñ 246 million 113 meñ dollarlıq tışqı satu başqarıldı.

Böyıkbritanğa êlektr häm êlektronika tarmağınıñ 501 million 437 meñ dollar, Berläşkän Ğaräp Ämirleklärenä asıltaşlar tarmağınıñ 526 million 444 meñ dollar külämendä êksport tormışqa aşırıldı.