Bötendönya bankı Türkiyäneñ iq’tisadi üseş farazların kütärde

Bötendönya bankı Türkiyä iq’tisadına qağılışlı üseş farazların bıyıl 2,7%tan 3,2%qa kütärde.

Banknıñ Awrupa häm Urta Aziya töbäge öçen äzerlägän İq’tisadi yañartu xisabında Türkiyä iq’tisadı belän bäyle farazlarğa da urın birelde.

Xisapta Türkiyä iq’tisadınıñ bıyıl 3,2%, kiläse yılda 4,3% üseşneñ kötelüe belderelde.

Bötendönya bankı ğıynwar ayında yasağan farazlarında Türkiyä êkonomikasınıñ 2023nçe yılda 2,7% häm 2024nçe yılda 4% üsäçägen küzallağan ide.

Xisapta Türkiyä iq’tisadınıñ 2025nçe yılda isä 4,1% üsäçägeneñ farazlanuı iskärtelep uzıldı.

Türkiyädä 6nçı fevral’da barlıqqa kilgän cirteträwlärneñ yaqınça 34,2 milliard dollarlıq zıyanğa yul açuınıñ isäplänelüe belderelgän xisapta monıñ ilneñ 2021nçe yıldağı tulayım milli tabışnıñ 4%ına turı kilüe citkerelde.

Xisapta, böten yaxşırtu häm yañadan torğızu êşçänlegeneñ çın üzqıymmäteneñ turıdan-turı zıyan külämennän ike tapqır kübräk bula alaçağı belderelep, däwlätneñ däwam itüçe yañadan torğızu êşçänlege öçen xucalıqlarğa häm investiśiyälärğä täêmin itkän yärdäm näticäsendä üseş külämeneñ 2024nçe-2025nçe yıllarda yaqınça 4,2%qa citüeneñ kötelüe äytelde.