Pol'şa atom-töş reaktorı êşli başlağançı kümer şaxtaların yapmayaçaq

Pol’şa viśe-prem’yerı Yaśek Sasin ildäge atom-töş reaktorı êşli başlağanğa qadär ber genä kümer şaxtası da yabılmayaçağın äytte. Wäqalätle zat cirle matbuğat çarasına interv’yusında şaxtalarnı yabu prośessın kiçekterergä mäcbür buluların citkerde.  Ul Pol’şanıqınnan tağın da qıybatlı çit il kümerenä bäyleleklären arttırırğa telämäwlären belderep bolay dide: “Tik xökümätneñ 2049nçı yılğa qadär kümer şaxtaların êtaplap yabu öçen tözegän kileşüennän çıqmadıq. Barı berençe atom-töş reaktorı qullanılışqa kergänçe ber kümer şaxtası da yabılmayaçaq”.

Pol’şa xökümäteneñ ênergetika strategiyäse qısalarında, ildä tulayım quäte 6dan 9 gigavattqa qadär bulğan 6 atom-töş ênergoblogı tözeläçäk. AQŞ belän imzalanğan kileşü nigezendä, anıñ berençe reaktorı 2033nçe yılda êşli başlarğa tiyeş. Annan soñ här ike yılda 1 reaktor qullanılışqa tapşırılaçaq.

Pol’şa ikençe atom-töş stanśiyäse öçen Kön’yaq Koreya belän kileşü tözede.