İq'tisadta bilgesezlek xökem sörä

Xalıqara valyuta fondı räise Kristalina Georgiyeva dön’yaküläm iq’tisadnıñ perspektivasındağı bilgesezlekneñ bik yuğarı buluın, inflyaśiyä daimi xälgä äwerelgän oçraqta, tağın da naçarayaçağın äytte. Ul İndoneziyädäge G20 finans ministrları häm üzäk bank citäkçeläre cıyılışında çığış yasadı.  

“Perspektivalar sizelerlek naçaraydı häm bilgesezlek çiktän tış yuğarı. MVF êlegräk kisätkän tübänäyü farazları xäzer çınbarlıq,”-dide Georgiyeva. Ul Ruysiyäneñ 24nçe fevral’dä Ukrainağa qarşı başlağan suğışınıñ köçäyüen, tovar häm azıq-tölek bäyälärenä östämä basım tudıruın citkerde.

Xalıqara valyuta fondı räise äytkänçä, global’ finans şartlar kötelgännän tağın da qırısraq. Kristalina Georgiyeva dön’yaküläm täêminat çeltärendä koronavirus kizüe arqasında kilep çıqqan özekleklärneñ basımı däwam itüeneñ häm yaña kilep çıqqan tarlıqlarnıñ iq’tisadi êşçänleklärgä kirtä buluın belderde.