Rusiyädä valyuta belän bäyle tıyular

Rusiyä watandaşlarına çit il valyutasında çitkä burıç birü häm il tışındağı bank xisaplarına kertem yasaw tıyıla. İldäge valyuta êşçänleklärenä qayber tıyular kertelde.

Kreml’dän yasalğan belderüdä äytelgänçä, däwlät başlığı Vladimir Putin Rusiyägä qarata sankśiyälärgä qarşı çaralar qararın imzaladı.

Älege dokument êksport yasawçı Rusiyä şirkätlärenä valyuta satu burıçı yökli. “Xalıqara säwdä belän şöğıl’länüçe firmalar valyuta keremnäreneñ 80%ın wäqalätle banklarğa satarğa tiyeş,”-diyelä belderüdä.