İMF 2022 üseş farazın kimette

IMF Dön’ya iq’tisadi küreneş xisabın yañarttı.

Xisapta global’ iq’tisadnıñ 2022nçe yılğa kötelgännän tağın da zäğıyf torışta kerüenä iğ’tibar yünältelde.

Xisapta 2021nçe yılda 5,9% üseş farazlanğan global’ iq’tisadnıñ 2022nçe yılda 4,4% häm 2023nçe yılda 3,8% üsüeneñ farazlanuı iskärtelep uzıldı.

IMF 2021nçe yılnıñ üktäbr’ ayında bastırğan xisabında dönyaküläm iq’tisadnıñ bıyıl 4,9%qa üsäçägen farazlağan ide.

Xisapta Törkiyäneñ şuşı yılğa qağılışlı üseş farazı 3,3% bularaq saqlanıp qalsa, 2023nçe yılda da 3,3% üsäçäge farazlandı.

AQŞ iq’tisadınıñ üseş perspektivası 5,2%tan 4%qa töşerelgän bulsa, 2023nçe yıl üseş farazı 2,2%tan 2,6%qa citkerelde.

Yevro töbäge iq’tisadınıñ bıyılğı üseş perspektivası 4,3%tan 3,9%qa töşerelde, kiläse yılğa qağılışlı üseş farazı 2%tan 2,5%qa kütärelde.

Germaniyanıñ 2022nçe yılğı üseş farazı 4,6%tan 3,8%qa, Franśiyanıñ 3,9%tan 3,5%qa, İtaliyanıñ 4,2%tan 3,8%qa häm İspaniyanıñ 6,4%tan 5,8%qa, Angliyanıñ 5%tan 4,7%qa, Qıtaynıñ 5,6%tan 4,8%qa, Rusiyäneñ 2,9%tan 2,8%qa töşerelde.

Hindstan iq’tisadınıñ isä bıyılğı üseş perspektivası 8,5%tan 9%qa kütärelde.