Törkiyä - toraq satışında Awrupa liderı

Törkiyä uzğan yılnı million yarımlık toraq satışı belän Awrupada lider buldı.

Törkiyä Statistika oyışması mäğlümatlarına kürä ildä başqarılğan toraq satışları bäyälärneñ kütärelüenä qaramastan 2020gä kürä parallel’ buldı häm 1 million 491 meñ 856 toraq satıldı.

Bu san 2020dä 1 million 499 meñ 316 ide. Uzğan yılğı san ikençe yıllıq rekord buldı.

Törkiyä 2021dä yaqınça million yarımlıq satış belän bu ölkädä Awrupada da lider buldı.

İñ küp toraq İstanbulda satıldı. Megapolista 276 meñ 223 toraq alındı. İstanbuldan soñ 144 meñ 104 toraq belän Änkara, 86 meñ 722 toraq belän İzmir kilä.

Uzğan yılnı çit il keşelärenä 68 600 küçmäs milek satıldı.

Törkiyädä iñ küp toraqnı Ğıyraq, İran, Rusiyä, Angliya, Germaniya häm Äfğanstan watandaşları aldı.

Alar İstanbul, Antalya, Änkara häm Muğla şähärlärennän toraq alunı saylağan.