Törkiyä terlekçelektä Awrupa liderı

Awrupa statistika ofisı (Eurostat) häm Törkiyä statistika oyışması mäğ’lümatlärenä kürä, Törkiyädä 2020nçe yılda häm waq terlek häm dä mögezle êre terlek sanı Awrupa Berlege illären artta qaldırdı.

Sannarğa qarağanda, Awrupa Berlege illärendä uzğan yıl tuplam mögezle êre terlek sanı 76 million 462 meñ buldı.

Mögezle êre terlekçelektä Awrupa Berlege illäre arasında berençe urınnı 17 million 789 meñ belän Franśiya aldı.

Şuşı çorda Törkiyäneñ mögezle êre terlek sanı isä 18 million 158 meñ bularaq bilgelände.

Bu räweşle Törkiyä Awrupa Berlege äğ’zase illär belän çağıştırğanda mögezle êre terlek miqdarında Franśiyanı uzıp berençe buldı.

Awrupa Berlege illärendä waq terlek sanı isä 2020nçe yılda tuplam 75 million bularaq terkälde.

Bu çorda Awrupa Berlege illärendä waq terlektän sarıq sanında berençe urınnı 15 million 439 meñ belän İspaniya aldı. 

Şuşı uq çorda Törkiyäneñ tuplam waq terlek sanı 54 million 113 meñ bulsa, sarıq miqdarı 42 million 127 meñ bularaq bilgelände.

Telgä alınğan sarıq sanında Törkiyä Awrupadağı iñ yaqın köndäşe İspaniyanı 3 märtäbä diyärlek arttırıp uzdırdı.

Awrupa Berlege illäre arasında waq terlektän käcä sanında isä berençe urınnı 3 million 568 meñ belän Greśiya aldı. 

Törkiyädä uzğan yıl tuplam käçä miqdarı da 11 million 986 meñ bularaq terkälde.

Telgä alınğan käcä sanı belän Törkiyä böten Awrupa Berlege illäreneñ cämğisenä kilep citep, iñ yaqın köndäşe Greśiyanı da öç märtäbä arttırıp uzdı.