“Tağın ber gaz êzläw skvajinası qazılaçaq”

Ministr Dönmäz 13nçe uglevodorodnı êzläw, citeşterü tarmağı kiñäşmä cıyılışında Törkiyäneñ “Oruç Räis”, “Barbaros Hayrättin Paşa” seysmik tikşerenü köymäläre häm “Fatih”, “Qanuni”, “Yawız” borawlaw köymäläre belän êşçänlegenä däwam itüen äytte.

Dönmäz Sakar’ya gaz mäydanı qamilläşterü proyektı qısalarında xäzergä çaqlı açılğan 7 skvajinağa östämä bularaq “Fatih”neñ êşçänlegen “Türkali-6” qoyısında başqaruın añlattı.

Dönmäz 2022nçe yılnıñ berençe çiregendä “Fatih” borawlaw köymäse belän êzläw maqsatlı tağın ber qoyı qazunı planlaştırularına basım yasap: "2022nçe yılda böten qoyılarda citşterügä qadärge tämamlaw operaśiyälären beterergä planlaştırabız”, - dip bäyäläw yasadı.

Ministr Dönmäz, qudıru liniyasınıñ diñgez töbenä salınuı êşçänlegeneñ dä 2022nçe yılnıñ berençe yartısında başlanaçağın belderep, 2023nçe yılda berençe faza citeşterügä uzunıñ maqsat itelüen äytte.

Şul uq waqıtta TPAO Törkiyä neft’läre akśionerlıq cämğıyäte Sakar’ya gaz mäydanındağı “Türkali-2” bilgeläw qoyısında öçençe rezervuar däräcäsendä ütkärgän ağım testın uñışlı tämamlawın belderde.

TPAOnıñ “Twitter” akkauntınnan yasalğan belderügä kürä, bilgelängän däräcädä ber köndä 0,67 million kub metr gaz ağımı täêmin itelde.

Şul uq qoyıda uzdırılğan başqa testlarda 28nçe iyül’dä 0,75 million kub metr, 31nçe avgustta isä ber köndä 0,63 million kub metr gaz ağımı küzätelde. Bu räweşle “Türkali-2” qoyısında tuplam 2,05 million kub metr ağım potenśialı bilgelände.