Bill Geyts Törkiyädä zur ferma tözergä uylıy
Milliarder şaqtıy waqıt Törkiyä yarlarında säyäxät itte
Küpmeder waqıttan birle Törkiyäneñ Êgey diñgeze buylarında säyäxät itüçe milliarder Bill Geytsnıñ ildä satıp alu öçen cirlär qarawı häm ferma tözergä planlaştıruı farazlana.
Amerikanıñ “New York Post” säxifäsendäge ber xäbärdä Geytsnıñ êlekkege xatını belän bergä idarä itüçe 50 milliard dollarlıq mölkätkä iyä “Bill ênd Melinda Geyts” waqıfı öçen Törkiyädä zur häm totrıqlı ferma tözergä teläwe äytelä.
Geyts kiçä Şotlandiyäneñ Glazgo şähärendä oyıştırılğan BMO klimat üzgärü konferenśiyäsendä fermerlarnıñ global’ cılınuğa qarşı çıdam uñış citeşterüenä yärdäm itü öçen 315 million dollar birergä wäğ’dä itte. Ul aqçanıñ fermerlarnıñ üzgärüçän klimat model’lärenä yaraqlaşa aluına bulışaçaq orlıq konsorśiumına kitäçägen belderde.
Äytergä kiräk, Geytsnıñ xäzerge waqıtta Trakiyada 22 meñ gektar cire bar. Milliarder oktyabr’ ayında Törkiyädäge Êfes antik şähärenä kilde. Ul lyuks yaxtası belän Kuşadası häm Bodrum qultıqlarında yal itte.
