Törkiyäneñ avtomobil’ êksportı
Törkiyä avtomobil’ industriyasınıñ bıyıl berençe 9 ayındağı êksportınnan 64,5% pay alğan Awrupa Berlege illärenä 13 milliard 695 million 361 meñ dollar külämendä satu başqarıldı
Uludağ avtomobil’ industriyası êksportçıları berlege häm Törkiyä êksportçıları assambleyası kürsätkeçlärenä kürä, ğinwar-sentyabr’ çorında 190nan kübräk ilga, üzidaräle häm irekle töbäkkä êksport yasağan tarmaq uzğan yılnıñ şul uq aylarına qarağanda 24% artu belän 21 milliard 248 million 339 meñ dollar külämendä êksportnı tormışqa aşırdı.
Avtomobil’ industriyası Törkiyä êksportınnan 2021nçe yılnıñ berençe 9 ayında 13,2% pay aldı.
İllär nigezendä qaralğan çaqta bıyıl ğıynwar’-sentyabr’ aylarında Awrupa Berlege illäre Törkiyäneñ avtomobil’ êksportında 64,5% öleş belän berençe urında.
Bu illärgä 9 ayda uzğan yılnıñ şuşı uq çorına qarağanda 20% artu belän 13 milliard 695 million 361 meñ dollar külämendä êksport başqarıldı.
Awrupa Berlegennän ayırılğannan soñ Böyek Britan da kergän "Başqa Awrupa illäre" törkemenä tışqı satu isä 52% artu belän 2 milliard 603 million 217 meñ dollarğa citte.
2021nçe yılnıñ ğıywar-sentyabr’ çorında iñ küp êksport yasalğan illärgä qarağan çaqta Törkiyä avtomobil’ industriyasınıñ töp bazarı Germaniya uzğan yılnıñ şuşı uq çorına qarağanda yaqınça 25% artu belän iñ küp avtomobil’ êksportı yasalğan il bularaq iğ’tibarnı cälep itte.
