Söläyman balığı küpme tabış kiterde?
8 ayda 20 ilgä 18 meň 242 tonna balıq satıldı häm annan 102 million 647 meň 711 dollar tabış alındı
Bıyılnıñ ğıynvar-avgust çorında Törkiyä 20 ilgä Qara diñgezneñ söläyman balığın cibärde.
Könçığış Qara diňgez êksportçıları assośiyäśiyäse mäğ’lümatlarına qarağanda, 8 ayda 18 meň 242 tonna balıq satıldı häm annan 102 million 647 meň 711 dollar tabış alındı.
Bu uzğan yılnıñ şul uq çorı belän çağıştırğanda, miq’dar yağınnan 275%qa, qıymmät yağınnan 357%qa kübräk.
Ayırım alğanda, Rusiyägä 84 million 573 meñ 477 dollarğa 14 meñ 8 tonna balıq cibärelde.
İkençe urında 8 million 858 meñ 875 dollarlıq balıq satıp alğan V’yetnam tora.
Yaponiyägä isä 3 million 136 meñ 795 dollar külämendä söläyman balığı satıldı.
Uzğan yıldan ayırmalı bularaq bıyıl balıq satıp aluçılar isemlegenä Ğıyraq, Aljir, Daniya, Yordaniya häm Berläşkän Ğaräp Ämirlekläre östälgän.