Xiaomi Törkiyädä aqıllı telefon çığara başladı

Dön’yadağı iñ zur öçençe aqıllı telefon çığaruçı Xiaomi Törkiyädä fabrikasın açtı. Monıñ öçen şirkät 30 million dollarlıq investiśiyä yasadı.

Yaña êşxanä İstanbulnıñ Avcılar töbägendä açıldı. Törkiyä älege marka öçen citeşterüçe dürtençe däwlät.

Şirkät bu proyektı belän yaqınça 2 meñ keşegä êş biräçäk. Anda yıl sayın 5 million aqıllı telefon yasalır dip kötelä.

Dön’yadağı iñ aldınğı aqıllı telefon çığaruçılar arasındağı Xiaomi, Samsung häm Appledan soñ, 10% bazar payı belän öçençe urında.