Törkiyädän söläyman balığın alalar

Törkiyädän bıyılnıñ täwge ayında 23 däwlätkä 3 meñ 980 tonna Qara diñgezneñ söläyman balığı satıldı.  

Könçığış Qara diñgez êksportyerları berlege mäğ’lümatlarına qarağanda, satudan19 million 811 meñ dollardan artıq kerem alınğan.

Bu, 2020nçe yılnıñ ğıynvarı belän çağıştırğanda, küläm yağınnan 87%qa, summada 73%qa artıq. Ul waqıtta 11 million 454 meñ 937 dollarlıq söläyman balığı satılğan bulğan.

Rusiyä, Germaniyä häm V’yetnam iñ küp êksport yasalğan illär.

Rusiyägä ğıynvarda 2 meñ 443 tonna söläyman balığı cibärelgän.

Törkiyädän älege balıqnı aluçılar isemlegenä bıyıl Belarus’, Azerbaycan-Naxçivan, İzrail häm Yordaniya da östälde.