Sudanda altın çığaru
Sudanda tabılğan altın yatmaları
Sudanda zur altın yatmaları tabıldı. Anıñ citeşterü mömkinlege - yılına 7 tonna. Bu xaqta Sudan neft’ häm qazılma baylıqlar ministrı Äzhär Abdulkadir belderde. Ul ilneñ Qızıl dingez töbägendä şaxtaçılıq tarmağında êşläwçe şirkät wäkilläre belän oçraştı.
Ministr tarmaqta zur üzgäreşlär bulaçağın wäğ’dä itte. Ul barlıq qarşılıqlarnıñ säyäsät belän bäyle buluın äytte.
Äzhär Abdulkadir tabılğan altın yatmasınıñ urını häm çığarunıñ qayçan başlayaçağı xaqında centekle mäğ’lümat birmäde.
Sudan 2011nçe yılda Kön’yaq Sudannan ayırılğannan soñ neft’ keremen yuğalttı häm yaña êzlänülär başladı. İl êşçänlegen altın çığaruğa yünältte.
Sudanda altın çığaru 2017nçe yılda 105 tonnağa citte. Uzğan yılnıñ 9 ayında kürsätkeç isä 78 tonna.
Bäyläneşle xäbärlär
Yulçı xäräkätendä rekord
Aprel’ ayında Törkiyädäge aêroportlar 18 millionğa yaqın yulçığa xezmät kürsätte
