İndoneziyada su basularnıñ qorbannarı arta

İndoneziyäneñ Könbatış Sumatra töbägendäge su basularda ğomeren yuğaltuçılar sanı 67gä citte. Bu xaqta ilneñ ğadättän tış xälär xezmäte wäkile Abdul Muxari belderde. Ul yaralanuçılarnıñ sanınıñ isä 44 buluın äytte. Yuğalğan 20 keşene êzläw êşçänlekläre däwam itä.

Muxari citkergänçä, ülüçelärneñ kem buluın açıqlaw prośessı da bara. Ul hälaq buluçılarnıñ sanınıñ üzgärä aluın farazlıy.

Merapi yanartawınıñ 11nçe mayda şartlawı näticäsendä cıyılğan taş, köl häm tufraq öyemeneñ musson yañğırları näticäsendä şuışuı häm barlıqqa kilgän su basular faciğa kiterep çığardı.