Atlantik okeanda qaçaqlar faciğası

Tön’yaq Afrika yarlarınnan yulğa çıqqan häm İspaniyäneñ kön’yaq-könbatışındağı Kanar utrawlarına taba yözüçe ber köymäneñ Atlantik okeanda batuı açıqlandı.

İspaniyäneñ räsmi mäğ’lümat agentlığı “EFE” citkergänçä, hälakät turında “Beskidy” dip ataluçı neft’ tankerı İspaniya yar buyı iminlege xezmätenä xäbär itä. Waqıyğa urınına köymä häm boralaq cibärälär. Yartısınnan kübräk öleşe batqan köymäneñ su östendä qalğan keçkenä kisägenä totınıp isän qalğan 9 qaçaq qotqarıla. Alarnıñ barısı da ir-at.

Qotqarılğan qaçaqlar İspaniyä wäqalätlelärenä citkergänçä, gäwdäläreneñ yartısı diñgezdä kileş yaqınça 2 kön yärdäm kötkännär. Senegalnıñ M’Bour yarınnan tulayım 60 keşe yulğa çıqqan bulğan. Xäzerge waqıtta qalğan 51 keşe yuğalğan sanala.  

Qaçaqlar xastaxanädä. Alarnıñ citdi sälamätlek problemaları bulmawı belderelä.