İzrail - Livan kiyerenkelege
İzrail Livanğa qarata höcümnären däwam itä
2132845
Ğazzädä qan qoyuçı İzrail Livanğa qarata höcümnären dä däwam itä. Ul ilneñ kön’yağındağı Bint Cubäyl töbägen utqa tottı. Anda 6 keşe yaralandı.
İzrail armiyäse Nebatiya töbägendäge Çeba cirlegenä dä höcüm yasadı. Näticädä qayber yortlar häm texnika qullanılmastay xälgä kilde.
İran yaqlawındağı “Xizbulla” xäräkäte İzrail höcümnärendä tağın 2 äğ’zasınıñ üterelüen citkerde. Alar cawap itep İzrailneñ çik buyı töbägendäge Meron toraq punktına distälärçä “Katyuşa” raketası oçırtuların belderde.
Töbäktä artqan kiyerenkelek Livannıñ kön’yağında yaña migraśiya dulqını kiterep çığardı.