Çatırlarğa yazıp räxmät äytte
Fälästinle ir-at Ğazzägä teläktäşlek kürsätep uramnarğa çıqqan studentlarğa räxmäten üzençälekle räweştä citkerde
2132944
İzrail höcümnäre arqasında Ğazzä sızığınıñ kön’yağındağı Räfaxqa sıyınğan ber fälästinle üzläre yäşi torğan çatırlarnıñ östenä Ğazzägä teläktäşlek kürsätüçe AQŞ studentlarına räxmät süzläre yaza.
43 yäş’lek Äbu Yosıf Xämit Kolumbiya universitetında başlanğan häm dön’ya külämendä bik küp yuğarı uqu yortına taralğan demonstraśiyälär nisbätennän süzsez qala almıy. Ul çatırlarnıñ östenä siptergeç buyaw belän ingliz telendä bolay dip yaza: “Ğazzägä teläktäşlek belderüçe studentlarğa räxmät äytäbez”, “AQŞ universitetlarına räxmät” häm “Räxmät, Kolumbiya studentları”.