Vakśina tormışnı saqlap qala

Global’ vakśinaśiya tırışlıqları belän soñğı 50 yılda 154 million tormışnıñ qotqarıluı farazlana.

Bötendön’ya sälamätlek saqlaw oyışması ğomum särqätibe Tedros Adanom Gebreyesus atnalıq matbuğat oçraşuında vakśinalar yärdämendä su çäçäge xastalığınıñ beterelüen, ber waqıt qurqıtqan qızamıq häm pnevmoniya kebek şaqtıy awırunıñ monnan soñ qulay räweştä buldırılmawın belderde.

Gebreyesus citkergänçä bar dön’yada balalarnıñ 84%ına difteriya, stolbnyak häm yötkerügä qarşı 3 doza vakśina yasalğan.

“Bötendön’ya sälamätlek saqlaw oyışmasınıñ Kiñäytelgän vakśinaśiya programmasınıñ 1974 yıldan bügengä qadär kim digändä 154 million tormışnı qotqaruı uylanıla,” – dide ğomum särqätip.

Tedros Adanom Gebreyesus vakśinaśiya yärdämendä bügen tuğan ber balanıñ 5 yäş’kä citü mömkinlegeneñ 50 yıl êlek tuğan balağa kürä 40%ka artuın añlattı.

Ul dön’ya liderların vakśinalar häm tormışnı saqlap qaluçı êşlänmälär belän täêmin itüçe vakśinaśiya programmalarına yärdäm kürsätergä häm finanslarğa çaqırdı.