Berläşkän Ğaräp Ämirleklärendäge su basu küpmegä töşte?

Berläşkän Ğaräp Ämirlekläre 8 kön êlek bulğan su basu hälakäte kitergän zıyannı qaplaw öçen yaqınça 545 million dollar bülenüen belderde.

İlneñ xäbär agentlığı WAM citkergänçä, xökümät räise häm Dubay ämire Möxämmät bin Räşit Äl-Maktum citäkçelegendäge delegaśiya başqala Abu-Dabida ütkän kabinet cıyılışında uzğan atnadağı naçar hawa şartlarınıñ näticälären qaradı. Däwlät başlığı Möxämmät bin Zayid su basulardan kilgän zıyannı kontrol’ itü, ğailälärgä bulışu häm asqormanı kiçekmästän tikşerü kürsätmäse birgän.

Xökümät räise Äl-Maktum cıyılışta watandaşlarnıñ iminlegeneñ iñ ähämiyatle östenlek buluın assızıqlıy. “Keşelärneñ yortlarında, öylärendä barlıqqa kilgän zıyannı beterü öçen 2 milliard dirxäm (bu yaqınça 545 million dollar) külämendä summa rasladıq. Älege êşne küzätü, öylärdäge zıyannı bilgeläw häm kompensaśiya tüläw öçen ministrtlıqta komitet tözedek”,-dide ul.

İsegezgä töşeräbez, 16nçı aprel’dä Berläşkän Ğaräp Ämirleklärendä soñğı 75 yılnıñ iñ zur külämle yawım-töşem miq’darı terkälde.