Qanqoyış däwam itä: qorbannar sanı arta

İzrailneñ Ğazzä sızığına 7 nçe oktyabr’dän birle däwam itkän höcümnärendä ğomere özelgän fälästinlelärneñ sanı 34 meň 183kä citkän.

Ğazzädäge Fälästin sälamätlek saqlaw ministrlığı 200 kön barğan höcümnär belän bäyle mäğ’lümatlar citkergän.

Belderüdä äytelgänçä, İzrail armiyäseneñ soñğı täwlektäge höcümnärendä tağın 32 fälästinleneñ ğomere özelgän, 59 fälästinle cäräxätlängän. 

Şulay itep höcümnärdä ğomeren yuğaltqan fälästinlelärneň sanı 34 meň 183 bulğan, 77 meň 143 keşe yaralanğan.

Soñğı 10 köndäge suğış qorbannarınıñ sanı 469.

Fälästin sälamätlek saqlaw ministrlığı beldergänçä, cimereklär astında häm yul çitlärendä äle dä ülelär bar, läkin İzrail köçläreneň totqarlawı arqasında sälamätlek saqlaw häm grajdannar saqlanu törkemnäre cimereklär astındağı mäyetlärgä barıp citä almıy.