Terror oyışması tağın ber balanı urlağan

“PKK/YPG” terror oyışması Süriyäneñ tön’yaq-könçığışındağı Hasäkä vilayätendä yawlağan Täl Tämir rayonınnan 15 yäş’lek qız balanı urlağan.

Terrorçılar balanı qorallı kadrına quşu öçen urlağan.

Terror oyışması urlağan balalarnıñ ğailäläre belän êlemtä qorularına kirtä quya.

“PKK/YPG” balalar häm yäş’lärne urlap, qorallı belem birü öçen şähärçeklärenä alıp bara.

Terror oyışması Xäleb, Rakka, Däyrizor häm Hasäkä vilayät’lärendä yawlağan töbäklärdä bıyıl 20dän artıq balanı urlağan ide.

Berlӓşkӓn Millӓtlӓr Oyışması 2022nçe yılğa qarağan “Yıllıq qorallı bäreleşlärdä balalar” isemle xisabında “PKK” terror oyışması belän Süriyädäge törkeme “SDG” häm “YPG”neñ 2022dä 1200dän artıq balanı urlap, suğışırğa mäcbür itüe açıqlandı.

Xisapta BMO ğomum särkätibe Antoniu Guterreşnıñ tübändäge süzläre urın ala: “Balalarnıñ “PKK/YPG” tarafınnan ğaskäri bularaq qullanıluına bik borçılam. Alarnı balalarnı irekkä cibärergä çaqıram.”