Qulğa alular yışayğan

  İzrail ğaskärläre basıp alınğan Yordannıň Könbatış üzänlegendä häm Könçığış Qodüstä soñğı ike köndä 25 fälästinlene qulğa alğan.

Bu xaqta Fälästin äsirlär cämğıyäte häm Fälästin azatlıq oyışmasına bäyle Fälästin totqınnar eşläre komitetınıň urtaq yazmaça belderüendä citkerelä.

Belderüdä äytelgänçä, İzrail köçläre fälästinlelärneñ öylärenä basqınnar oyıştırıp tağın 25 fälästinlene qulğa alğan häm 7 nçe oktyabr’dän birle qulğa alınğan fälästinlelär sanı 8 meň 425 bulğan.

İzrail ğaskärläre 7nçe oktyabr’dä Ğazzägä höcümnär başlatqaç basıp alınğan Yordannıň Könbatış üzänlege häm Könçığış Qodüstä fälästinlelärgä qarata qulğa alular, basqınnar häm höcümnär könnän - kön arta bara.