Lavrov: "Könbatış iğ'tibarnı Ğazzädän İranğa yünältergä teli"

Rusiyä tışqı êşlär ministrı Sergey Lavrov Könbatışnıñ xalıqara cämäğat’çelek iğ’tibarın Ğazzä sızığındağı waqıyğalardan İran yanawına taba yünältergä teläwen belderde. Ul üz ileneñ media oyışmalarına urtaq interv’yu birde.

Lavrov anda İran belän İzrail arasındağı kiyerenkelekkä ayırım tuqtaldı häm Rusiyäneñ ike yaq belän dä telefonnan söyläşüen äytte. “Bu söyläşülärdä İrannıñ kiyerenkelek telämäwen ayırmaçıq añladıq häm İzrailgä citkerdek”,-dide ul.

Lavrov Könbatış däwlätläreneñ İrannıñ atom-töş qoralı qullanırğa teläwe turındağı belderülären dä bäyäläde. “Monda xalıqara cämäğat’çelekneñ iğ’tibarın gumanitar xäl awır bulğan Ğazzä sızığındağı waqıyğalardan İran yanawına yünältü teläge häm maqsatı turında süz bara”,-dide ministr.

Lavrov İrannıñ atom-töş qoralına iyä bulmawın häm monıñ Xalıqara atom ênergetikası agentlığı tarafınnan raslanuın äytte.