Ğazzädä 270 meñ tonna qatı qaldıq cıyılıp yata

BMO İzrailneñ höcümnäre astındağı Ğazzädä 270 meñ tonna qatı çüp cıyıluın, monıñ sälamätlekkä häm êkologiyägä citdi yanaw buluın belderde.

BMO süzçese Stefan Duyarriç köndälek matbuğat cıyılışında Ğazzädäge waqıyğalarga tuqtaldı. Ul, cirlektäge xakimiyätlärdän alınğan mäğ’lümatlarğa tayanıp, çüplärne êşkärtü urınnarı häm mediśina qaldıqları üzäkläreneñ yuq itelüe arqasında Ğazzädä çüp cıyu häm tärtipkä salu sistemasınıñ bik citdi räweştä zıyan kürüen äytte.

Duyarriç, şul uq waqıtta, Ğazzädäge gumanitar yärdäm xezmätkärläre öçen yanawlarnıñ däwam itüen citkerde. Yullarnıñ yuqqa çığarıluı, şartlamağan bombalarnıñ buluı alarnıñ êşçänleklären awırlaştıra.  

Süz uñayınnan, Ğazzädäge xökümätneñ media ofisı Ğazzä sızığındağı barlıq su qoyılarınıñ 2 atna êlek tulısınça yabıluı arqasında watandaşlarğa yanawçı êkologiyä hälakäte barlıqqa kilüen beldergän ide.