Tışqı êşlär ministrı Niderlandqa säfär yasıy

 Törkiyä tışqı êşlär ministrı Xaqan Fidan bügen Niderlandqa säfär yasıy.

Tışqı êşlär ministrlığı xäbär itkänçä, ul Niderlandtağı wazıyfadaşı Xênke Bryuins Slot belän oçraşa.

Oçraşuda Törkiyäneñ Awrupa Berlegenä tulı äğ’zalıq barışı, Tamğaxanä berlegen yañartu häm Törkiyä watandaşların vizadan azat itü mäs’äläläre qaralaçaq.

Törkiyä ministrı Niderlandtağı törek cämğıyäteneñ wäzğıyäte häm bu ildä ütkännärdä Qor’än Kärimgä qarata bulğan höcümnär mäs’äläsen dä kütäräçäk.

Şulay uq terrorçılıqqa qarşı köräş häm Törkiyäneñ bu mäs’älädäge kötkännäre Niderland yağına citkereläçäk.

İzrailneñ Fälästingä höcümnäre, Ukraina, Kipr häm başqa yaqın töbäktäge mäs’älälär dä söyläşü kön tärtibendä bulaçaq.