Nigeriyädä höcümnär häm urlawlar
Höcümnärdä 23 keşe ğomeren yuğaltqan, 20 keşene yolım alu öçen urlağannar
Könbatış Afrika illärennän Nigeriyäneñ Kaduna ştatında banda äğ’zaları Anguvar Danko häm Kanava awıllarına höcüm itkännär.
Höcümnärdä 23 keşe ğomeren yuğaltqan, 5 keşe yaralanğan.
Räsmi zatlar beldergänçä, küp keşene urlağannar, alarnıñ qayberläre qaçıp qotılğan.
Katsina ştatınıñ Malumfaşi rayonındağı höcümdä 20 keşene yolım alu öçen urlağannar.
Nigeriyädä soñğı waqıtlarda qorallı törkemnär belän bergä “Boko Xaram” häm ”DEAŞ”nıñ Könbatış Afrika törkeme “ISWAP” terror oyışmalarınıñ höcümnäre küzätelä.
Cäzası ülem bulsa da yolım öçen urlaw ildä yış bula.
Banda äğ’zaları nigezdä ilneñ tön’yağındağı awıllar, mäktäplär häm yulçılarnı urlap yolım taläp itälär.
Bıyıl ayıruça Kaduna ştatındağı höcümnärdä distälägän keşeneñ ğomere özelgän häm 300 dän artıq keşene urlağannar.
Bäyläneşle xäbärlär
Kolumbiya İzrail belän mönäsäbätlären özä
Kolumbiya ilbaşı Gustavo Petro bu qarar turında belderü yasadı
AQŞ häm Angliya studentlarınıñ rizasızlığı däwam itä
AQŞtan soñ Angliya yuğarı uqu yortlarında da Fälästingä teläktäşlek çaraları başlandı
