İñ küp keşele däwlät

Xalıq sanı 1 milliard 441 millionğa citkän Hindstan iñ küp keşe yäşi torğan il buldı.

BMOnıñ xalıq isäbe fondı 2024nçe yılğa qağılışlı xisabın “Ber-bersenä bäyläneşle tormışlar, ömet cepselläre: censi sälamätlek, reprodukśiyä häm bolarğa bäyle tigezsezleklärneñ beterelüe” iseme astında çığarıldı. Anda dön’ya külämendä älege temanıñ aktual’lege artuına iğ’tibar cälep itelde.

Xisapta assızıqlanğança, Afrikada xatın-qızlarnıñ awırğa uzu häm tudıru waqıtında kilep çıqqan awırlıqlar arqasında ülü mömkinlege Awrupa yäisä Tön’yaq Amerikadağı xatın-qızlarnıqınnan 130 tapqır kübräk.

Dokumentta dön’yadağı xalıq sanınıñ 8 milliard 119 millionğa citüe, monıñ 1 milliard 441 millionınıñ Hindstanda yäşäwe belderelde. İl 1 milliard 425 million keşele Qıtaynı uzıp berençe urınğa mende. Monda sośial’-iq’tisadi xälneñ yaxşıruı häm änilärneñ ülemnäre kimüe dä rol’ uynadı.

BMO mäğ’lümatlarına qarağanda, Qıtayda xalıq sanı 2022nçe yılda 1 milliard 426 millionğa citkännän soñ kimi başladı. Belgeçlär bu ğasır axırında ildä 1 milliardtan azraq keşe yäşäyäçägen farazlıy.