AQŞ Fälästin qararına veto quydı
BMO İminlek şurasında Fälästinne oyışmağa tulı äğ’za bularaq alu turında dokument tawışqa quyıldı
Amerika Quşma Ştatları BMO İminlek şurasında Fälästinneñ oyışmağa tulı äğ’zalığı turındağı qarar ölgesenä veto quydı. Anı Ğaräp Ligası isemennän Aljir täq’dim itkän ide.
15 äğ’zalı İminlek şurasında bulğan tawışqa quyuda dokumentnı 12 däwlät yaqladı, 2se bitaraf qaldı. AQŞ isä “yuq” dide.
Bitaraf qaluçılar Angliyä häm Şveyśariyä. Rusiyä, Qıtay, Franśiyä, Aljir, Mal’ta, Êkvator, Gayana, Sloveniya, S’yerra-Leone, Mozambik, Kön’yaq Koreya häm Yaponiyä yaqlap tawış birde.
Qarar ölgese uzsın öçen 5 daimi äğ’zadan berseneñ dä qarşı çıqmawı häm tulayım 9 “äye” tawışı kiräk.
Fälästin 2011nçe yılda BMOğa tulı äğ’zalıq öçen möräcäğat’ itte, tik ul BMO İminlek şurasında kiräkle yaqlawnı tapmadı. 2012nçe yılda il “küzätüçe” statusı aldı.
Fälästinneñ BMOdağı daimi wäkile Riyad Mansur 2nçe aprel’dä yasağan belderüendä BMO ğomum särqatibe Antonio Guterrişqa ber xat cibärep qabat äğ’zalıq möräcäğateneñ qaraluın sorawın äytte. Guterriş 3nçe aprel’dä BMO İminlek şurasın älege mäs’äläne kön tärtibenä quyarğa çaqırdı.
Bäyläneşle xäbärlär
AQŞ häm Angliya studentlarınıñ rizasızlığı däwam itä
AQŞtan soñ Angliya yuğarı uqu yortlarında da Fälästingä teläktäşlek çaraları başlandı
