Zelenskiy Könbatışka üpkä belderde

Ukraina däwlät başlığı Volodimir Zelenskiy Awrupa Berlege liderlarına İzrailgä birelgän hawadan saqlanu yärdämeneñ ile öçen aşığıç buluın belderde.

Zelenskiy Bel’giya başqalası Bryussel’da oyıştırılğan Awrupa Berlege oçraşuınıñ Ukraina utırışında videokonferenśiya belän qatnaştı.

Rusiyäneñ kiçä Çernigov şähärenä oyıştırğan höcümdä 14 keşeneñ ülüen xäterlätkän Zelenskiy tübändägeçä däwam itte: “Qızğanıç bezneñ Ukrainada Yaqın Könçığıştağı kebek saqlanuıbız yuq. İzrailgä cibärelgän barlıq raketalarnı häm keşesez hawa apparatların diyärlek berlektäşlärneñ urtaq köçe yärdämendä töşerä aldılar. İzrail häm qalğan töbäk illäreneñ kük kiñleklärendä bulğanı kebek Awrupanı ballistik raketalardan häm keşesez hawa apparatları “Şahed”lardan, qanatlı raketalardan häm bombalardan saqlawıbız kiräklegenä ışanabız. Bezneñ kük yözebezdä häm kürşelärebezneñ kük yözendä ber ük qurqınıçsızlıq bulırğa tiyeş.”

Amerika Quşma Ştatları häm Angliya belän ber rättän Awrupa Berlegenä äğza bulğan Franśiya dä İrannıñ İzrailgä 13 aprel’ könge hawadan höcümenä kirtä quyarğa yärdäm itkän ide.