"Qızıl küz" çire tarala

Ugandada axırğı öç atnada yoğışlı “qızıl küz” (kon’yuktivit) çiren êläkterüçelär sanı 7 meñ yarımnan arttı. İlneñ sälamätlek saqlaw ministrlığı bu xaqta belderü yasap xastalıqnıñ kübäyüenä iğ’tibarnı cälep itte.  

Awırtu oçraqları törmä, mäktäp häm mediśina üzäklärendä artqan. Sälamätlek saqlaw belgeçläre kon’yuktivitnıñ fabrika, bazar, kibet şikelle urınnarda, keşe küp yäşi torğan şähärlärdä tiz taraluı turında kisätä.

Tabiblar awırtu êläkterüçelärgä qara küzlek kiyärgä kiñäş birä. Andıy keşelärneñ urın-cirläre häm qullanğan äyberlären ayıruları kiräklege assızıqlana.