Rusiyä Yaqın Könçığıştağı soñğı kiyerenkelekkä borçıla

Rusiyä tışqı êşlär ministrlığı Yaqın Könçığıştağı soñğı kiyerenkelek arqasında bik borçıluın belderde.

Ministrlık belderüendä bolay diyelä: “Yış räweştä küzätelüçe cawapsız provokaśiyalär belän qotırtıluçı Yaqın Könçığıştağı şaqtıy krizisnıñ çişelmäweneñ kiyerenkelekne üsteräçäge mäs’äläsendä küp tapqır kisätü yasadıq.”

Rusiyä tışqı êşlär ministrlığı bäreleşneñ barlıq tarafların ayıq aqıl belän êş başqarırğa çaqırıp, problemalarnıñ säyäsi-diplomatik çaralar häm xalıqara uyınçılarnıñ konstruktiv totışı yärdämendä çişeläçägen ömet itüen citkerde.

Ministrlık şulay uq İzrail, Yordaniya, Livan häm Süriyädäge watandaşların üzlären mäğlümat häm kiñäş mäs’äläsendä küzätep barırğa çaqırdı.