Bar dön'yada “Bötendön’ya Qodüs köne” ütkärelde
Çaralarda yöräklär Fälästin öçen tipte
Bar dön’yada ütkärelgän “Bötendön’ya Qodüs köne” çaralarında yöräklär Fälästin öçen tipte.
İranda meñnärçä keşe Fälästingä teläktäşlek häm Qodüs köne qısalarında çara oyıştırdı.
Başqala Tährandağı çarada İran däwlät başlığı İbrahim Räisi dä qatnaştı.
Ğıyraqnıñ Basra şähärendä cıyılğan balıqçılar Şattülarap qultığında Fälästingä teläktäşlek maqsatı belän köymälären bayraqlar belän bizäde.
Angliya başqalası Londonda da meñnärçä keşe İzrailneñ Ğazzägä qarata höcümnären protest itte, aşığıç räweştä utnı tuqtatırğa çaqırdı.
“Bötendön’ya Qodüs köne” çaraları qısalarında Londonnıñ simvolik urınnarı häm avtobuslarda “Allah” dip yazılğan gologramma urın aldı.
Amerika Quşma Ştatlarınıñ İzrailgä şartsız yärdämenä reakśiya belderüçe amerikalı möselmannar da Aq Yort aldında cıyıldı, “Ğazzägä teläktäşlek” isemle iftar aşı oyıştırdı.
N’yu-Yorknıñ Tayms mäydanında cıyılğan keşelär dä çara uzdırdı.
Braziliyaneñ Rio de Janeyro şähärendä rizasızlıq beldergän watandaşlar AQŞ häm İzrailgä qarşı şiğar’lär äytte.
Yämändä dä “Bötendön’ya Qodüs köne” uñayınnan 15 şähärdä 150dän artıq çara oyıştırıldı.
Livan başqalası Bäyrut yanındağı turistik Al Rauş qıyalarında Fälästin bayrağı çağıldırıldı.
