Keşe baş miyeneñ iñ tögäl räseme töşerelde

Keşe baş miyeneñ dön’yadağı iñ köçle magnit-rezonans tomografiyäse cihazınnan alınğan süräte basılıp çıqtı.

Franśiyä atom ênergetikası häm Al’ternativ ênergiyälär oyışmasınnan yasalğan belderüdä älege räsemneñ 20 yıldan artıq däwam itkän êşçänlek näticäse buluı äytelä.

“İzolt” dip ataluçı MRT cihazı soñğı berniçä ayda 2 distä keşedä sınalğan. İñ anıq baş miye räsemeneñ yaqınça 4 minutta alınuı citkerelde. Xastaxanälärdä kiñ qullanıluçı cihazlarğa isä monıñ öçen berniçä säğat’ kiräk.

Baş miye räsemen tağın da açıq töşerü öçen tikşerenü äle däwam itäçäk. Belgeçlär maqsatlarınıñ 2026-2030nçı yılğa qadär neyrodegenerativ awırular, şizofreniya häm bipolyar bozıqlıq şikelle psixiatriya alanındağı şaqtıy çirne tikşerü buluın belderä.

“İzolt” cihazınnan alınuçı ütä centekle anatomik mäğ’lümatlarnıñ Al’śgeymer häm Parkinson şikelle awırularnı diagnostikalawda yärdäm itüe kötelä.